返工俾老細鬧? 無啦啦俾人串? 俾人跣?…. 好想發洩下?? 好簡單, 裝下面講既app, 就可以俾你發洩一番!
CuScreen 俾你狂炸惡搞
CuScreen 可以俾你用不同既武器炸手機畫面, 最好玩既當然係可以從相片庫中載入相片狂轟一輪, 又或惡搞相機鏡頭的直接影像. 俾你惡搞完的相片, 影像, 仲可以再作儲存!
開啟這個 CuScreen 程式後, 看不見有什麼不同, 只是畫面下方會有一句 “CuScreen Load” 既句子出現. 無錯程式已經啟動, 你現在只要觸碰屏幕, 就會發現多了幾個子彈窿. 當然這只是惡搞你的手機畫面, 不是真的, 只要按Back 就可以離開這個 CuScreen 程式, 一切回復正常.
你可以按 Menu 選擇其他武器 (Item), 包括有機槍, 大炮, 刀, 斧頭, 火, 顏色彈, 仲有得吐痰同掟屎!!! 另一抵死地方, 就係聲效非常出色, 連吐痰聲都好真! 這個 CuScreen 最正既地方就可以從相片庫載入相片或用相機影像, 只要按 Menu 選擇就可以, 你可以惡搞相片一輪. 最後還可以按畫面下方的圖示, 將惡搞後的相片儲存起來. (惡搞的相片會儲存在 SD Card 的 CuScreen 資料夾內.)
有什麼不滿就用這個 CuScreen 發洩一番啦!!!
